(ФОТО) Претседавачот со ОБСЕ, Бујар Османи, ја започна работната посета на Украина

January 16, 2023
1 min read

Украина е првата дестинација што Османи најави дека ќе ја посети како претседавач на ОБСЕ откако минатата недела во Виена ги презентира приоритетите на нашето претседавање со Организацијата

Како што најави, шефот на дипломатијата Бујар Османи денеска пристигна во Киев каде што во улога на претседавач со ОБСЕ ја започна својата посета на Украина, која, како што изјави пред две недели, ќе доминира со претседавањето на Северна Македонија со Организацијата.

Според соопштението од Министерството за надворешни работи (МНР), откако утринава пристигнал на главната железничка станица во украинската метропола, Османи се упатил во посета на градот Бородјанка, во Киевската Област, кој е силно погоден од воените дејствија.

Фото: МНР

„Воедно, во рамките на посетата предвидени се низа средби со високи претставници на државната власт на Украина“,

се додава во соопштението на МНР.

Фото: МНР

Украина е првата дестинација што Османи најави дека ќе ја посети како претседавач на ОБСЕ откако минатата недела во Виена ги презентира приоритетите на нашето претседавање со Организацијата.

Како што посочи повеќепати, еден од главните приоритети на претседавањето на Северна Македонија со ОБСЕ ќе биде токму состојбата во Украина која речиси една година е под инвазија на Русија. Посебен фокус, како што нагласи Османи, ќе биде кон луѓето на терен кои се најпогодени од воената агресија.

Дополнително, претходно Османи нагласи дека во моментов во Украина нема мисија на ОБСЕ зашто Русија стави вето на мисијата, а Северна Македонија како претседавач ќе треба да најде начин повторно да ја врати Организацијата во Украина.

Посета на Украина најави и претседателот на Владата, Димитар Ковачевски, чија посета на земјата ќе биде во улога на премиер на земја претседавач со ОБСЕ.

Инаку, ова е втора работна посета на Османи на Украина. Тој ја посети земјата во мај минатата година, при што оствари средба со својот украински колега Дмитро Кулеба и други високи државни претставници на Украина.

ИЗВОР: 360stepeni.mk

MARKETING

MARKETING

Претходно

Барселона по рекорден 14. пат го освои шпанскиот Суперкуп

Следно

Анкета на Скопје Инфо: Тимчо Муцунски е најуспешен градоначалник за 2022 година во Скопје

Latest from Blog

Израел ќе испрати делегација во Катар на преговорите за прекин на огнот во Појасот Газа

Израелски медиуми објавија дека Израел ќе испрати делегација во Катар која ќе преговара за ослободување на заложниците и прекин на огнот во Појасот Газа. Но, не е прецизирано кога израелската делегација ќе

Клековски им порача на крушевчани дека со смената на локалната власт во градот ќе направат уште повеќе

Членот на Извршниот комитет на ВМРО ДПМНЕ Клековски денеска во посета на крушевските села и на самото Крушево со ветување дека кога ќе ја преземат локалната власт, ќе направат уште повеќе за

ВИДЕО: Хорор повреда, Донарума му ја скрши ногата на Мусиала, цел стадион во шок

Четвртфиналниот дуел на Светското клупско првенство помеѓу Пари Сен Жермен и Баерн беше обележан со ужасна сцена на крајот од првото полувреме, кога Џамал ​​Мусиала заработи сериозна повреда на ногата. Младиот германски

Внатрешната контрола на МВР расчисти случај во Прилеп со пајак возило

По денешната објава на социјалните мрежи за наводно непрофесионално постапување од страна на полициски службеници во Прилеп во врска со констатиран сообраќаен прекршок, Одделот за внатрешна контрола, криминалистички истраги и професионални стандарди
Go toTop