Израелски медиуми објавија дека Израел ќе испрати делегација во Катар која ќе преговара за ослободување на заложниците и прекин на огнот во Појасот Газа.
Но, не е прецизирано кога израелската делегација ќе отпатува за Катар.
Претходно, Израел соопшти дека подготвува одговор откако Хамас изрази подготвеност да преговара за прекин на огнот и ослободување на заложниците.
Хамас синоќа потврди дека е подготвен да се вклучи во разговори за предлогот на САД.
Според неименувани палестински извори, предлогот вклучува 60-дневен прекин на огнот, кога Хамас треба да ослободи десет живи заложници и ќе ги врати телата на неколку мртви во замена за ослободување на палестинските затвореници од израелските затвори.
Извор: 24vesti.mk
