Ердоган: „Туркије ја запира трговијата со Израел која изнесува 9,5 милијарди долари“

May 3, 2024
1 min read

ИСТАНБУЛ (АА) – Турскиот претседател Реџеп Таип Ердоган денес изјави дека неговата Влада ја запира сета трговија со Израел која изнесува околу 9,5 милијарди долари, јавува Анадолу.

Во изјава за новинарите по петочната молитва во Истанбул, турскиот претседател додаде дека „затворена е вратата“ за трговија со Израел поради тековниот напад на Појасот Газа.

„Постоеше обем на трговска размена од 9,5 милијарди долари меѓу нас“, рече Ердоган, мислејќи на Туркије и Израел. „Игнорирајќи го овој обем на трговија, ја затворивме вратата.“

Турското Министерство за трговија објави дека Анкара ги суспендирала сите извозни и увозни операции со Израел поради неговата „агресија врз Палестина која е во спротивност со меѓународното право и човековите права“.

Ердоган, критикувајќи ја тековната агресија на Израел врз Појасот Газа, исто така рече дека потезите на израелскиот премиер Бенјамин Нетанјаху го оневозможиле можното приближување меѓу Туркије и Израел.

„Тој состанок имаше цел“, рече Ердоган, осврнувајќи се на средбата со Нетанјаху во Њујорк на маргините на Генералното собрание на Обединетите нации пред да се разгори конфликтот меѓу Израел и Газа на 7 октомври.

„Но, Нетанјаху е немилосрден“, истакна Ердоган и додаде: „Тој одговори со напад на жени и деца“.

Ердоган, исто така, го критикуваше Западот за неговата постојана поддршка на Израел.

„Сите западни земји, предводени од Соединетите Американкси Држави (САД), го поддржуваат Израел и не штедат напори да ги осудат на смрт погодените од сиромаштија Палестинци“, рече тој.

Ердоган додаде дека тековната израелска агресија врз Палестина е неприфатлива.

„Израел досега брутално уби 40.000 до 45.000 Палестинци. Како муслимани за нас е незамисливо да стоиме настрана и да гледаме како тоа се случува“, додаде турскиот претседател.

Израел спроведува смртоносна воена офанзива врз Газа од упадот на Хамас на 7 октомври, во кој загинаа околу 1.200 луѓе.

Тел Авив, за споредба, уби речиси 34.622 Палестинци и рани над 77.867 во масовно уништување и недостаток на неопходни услови во палестинската територија.

Според податоците на Обединетите нации (ОН), израелската војна во Газа принуди 85 отсто од населението внатрешно да се расели, предизвика акутен недостиг на храна, чиста вода и лекови, а 60 отсто од инфраструктурата на енклавата се оштетени или уништени.

Израел е обвинет за геноцид пред Меѓународниот суд на правдата. Привремената пресуда во јануари му нареди на Тел Авив да ги запре геноцидните акти и да преземе мерки хуманитарната помош да стигне до цивилите во Газа.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.

Извор: Anadolu Agency (AA)

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Руски антивоен активист осуден на 15 години затвор

Следно

СДСМ ги повика граѓаните масовно да излезат на избори: Да не се дозволи повторно инсталација на режим од страна на ВМРО-ДПМНЕ

Latest from Blog

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со

Николоски: Од 1 јануари само Државната лотарија ќе може да организира онлајн игри на среќа

Владата го измени Законот за игри на среќа, со кој јасно се ограничува организирањето на игри на среќа. Само Државната Лотарија ќе може да организира игри на среќа, дополнително се воведе ограничување

Божиновска: По три децении зависност од еден гасен правец, Македонија работи на нови врски со соседите

Македонија три децении зависела од само еден правец за снабдување со природен гас, а новите поврзувања со соседите треба да ја намалат таа зависност, порача министерката за енергетика, рударство и минерални суровини,

Битола не ги заборава своите херои: Одбележана 82-годишнината од формирањето на Првата егејска македонска ударна бригада

Во Битола свечено беше одбележана 82-годишнината од формирањето на Првата егејска македонска ударна бригада, со положување свежо цвеќе, оддавање почит и пригодна културно-уметничка програма. Одбележувањето се одржа пред спомен-плочата кај Територијалната противпожарна

Божиновска: Гасните врски со Грција и Србија се приоритет за посигурно снабдување

Гасните интерконектори со Грција и Србија, Вертикалниот гасен коридор и повторното ставање во функција на продуктоводот Солун–Скопје се меѓу проектите со кои Македонија работи на посигурно снабдување со енергија. Ова го истакна
Go toTop