Ромската заедница продолжува да се соочува со сериозни предизвици, особено во областите на вработување, образование, здравство, домување и граѓанска регистрација велат од Ромалитико.
Потенцираат дека во последниот извештај во сенка кој го изработиле бројот на регистрирани невработени Роми е околу 10% односно 10.388 Роми.
Во сферата на образованието, само 472 или 1,3% од децата кои се запишани во јавни градинки во учебната 2024/2025 година се Роми, а 150 од нив се ослободени од партиципација како дел од владините мерки за социјално ранливи семејства. Во делот на здравството, 19 Ромски здравствени медијатори беа активни во 2024 година, но буџетот за оваа програма е целосно укинат во 2025 година.
Домувањето и натаму останува една од најкритичните области. Народниот правобранител известува дека семејства со деца живеат во екстремно нехумани услови во објектот на ЈУ „Ранка Милановиќ“ во Скопје – без вода, струја и основни услови за живот.
Извор: 24vesti.mk
