Под мотото „Нова Европа во нов свет“ почна самитот во Тирана на кој учествуваат лидери од повеќе од 40 европски земји, меѓу кои и украинскиот претседател, Володимир Зеленски.
Домаќини на самитот се албанскиот премиер Еди Рама и претседателот на Европскиот совет, Антонио Кошта, а една од темите на средбата се поддршката за европската интеграција на Западен Балкан, економската соработка, енергетската безбедност и зелената транзиција. Старот на самиот го одбележа гестот на премиерот на Албанија Еди Рама кон италијанската премиерка Џорџа Мелони која на црвениот тепих ја пречека клекнат на колеа.
Самитот почна со критики за Путин, дискусиите се со фокус на безбедноста и демократската стабилност на Европа, конкурентноста и економската безбедност, сложената динамика на миграцијата и на војната меѓу Русија и Украина. Британскиот премиер Страмер им рече на новинарите дека настаните од вчера и вечерва поврзани со војната во Украина се „доказ дека Путин не е сериозен“ кога станува збор за постигнување мир, побара апсолутно единство со сојузниците. Урсула фон дер Лајен исто така го критикуваше Путин.Таа рече дека „мора да изврши притисок врз претседателот Путин за и тој да посака мир. Зеленски повторно ја побара поддршката од Унијата за побрз крај на војната, додека Кошта му порача дека безбедноста на Украина е безбеднсот на сите земји членки.
Во делот за проширувањето Италјанската премиерка од самиот испрати порака дека сите земји се дел од Европа, иако се уште не се членки, а домаќинот на самиот, премиерот Еди Рама исткана дека не треба да се зборува само за вооружување, туку е потребно да им се даде мотивација на младите луѓе да градат иднина на европско тло.
Ова е прв самит на ЕПЗ во Западен Балкан, што е од исклучително значење за Албанија, но и за регионот. Тој се одржува во време кога глобалните тензии, хибридните закани, економската принуда и технолошките нарушувања бараат покоординиран европски одговор.
Извор: 24vesti.mk
