Движењето Европа сега освои најмногу гласови на изборите во Црна Гора

1 min read

Според податоците на Центарот за демократска транзиција на обработени 100% од гласовите, движењето на Милојко Спајиќ, Европа сега победи на изборите во Црна Гора освојувајќи 26% од вкупниот број гласови, или 24 мандати. Веднаш зад нив следува листата „Заедно“ на Демократската партија на социјалистите (ДПС) на Даниел Живковиќ со освоени 23% од гласвоите, односно 21 мандат. На трето место заврши коалицијата „За иднината на Црна Гора“ на Демократскиот фронт со освоени 15,1%, додека пак како четврт заврши коалицијата „Алекса и Дритан – Храбро се брои“ на поранешниот премеир Дритан Абазовиќ и Алекса Бечиќ кои освоија 13% од гласовите.

Фото: Центар за демократска транзиција

Изборите ги одбележа најниската излезност на гласачите од осамостојувањето на Црна Гора, а на овие избори граѓаните имаа можност да бираат меѓу 15 кандидатски листи за пратеници. Право на глас имаа 542 568 граѓани, а излезноста изнесува околу 55 отсто.

Ова се шести избори од независноста на државата од 2006 година.

Она што го очекуваат Црногорците е по три години политичка нестабилност и по пад на две влади, да добијат нова стабилна влада за наредните четири години која ќе го „одмрзне“ процесот на евроинтеграции, односно ќе го забрза членството на Црна Гора во ЕУ.

ИЗВОР: 360stepeni.mk

Leave a Reply

Your email address will not be published.

Претходно

Прелиминарни резултати на изборите во Црна Гора – Движењето Европа сега со благо водство пред ДПС

Следно

„Ни крив ни должен можеш да загинеш“, скопјанец кој настрада во несреќа на скопскиот кеј на твитер го раскажа несреќниот настанот

Latest from Blog