реклама
Претседателот на Собранието, Талат Џафери, вели дека не може да дефинира дали албанската опозиција го заслужува местото член во Изборната комисија. Тој изјави дека ова законско толкување треба да го даде ДИК, во спротивно, Џафери додаде дека во Собранието има и други законски процедури.
„Доколку има дилеми дека нема да го дадат, има одредена процедура во Собранието. Секој пратеник може да иницира автентично толкување на правните норми и да дефинира што е што. Не е мое да одредувам кому што и како припаѓа, има процедури, има правила, има закони. Нека ги прочитаат законите, нека ги применуваат законите. Тоа што ќе го предложам ќе биде на дневен ред“, вели Талат Џафери.
реклама
Контра одговор од албанската опозиција дојде од генералниот секретар на Алтернатива, Зеќирија Ибрахими, кој преку статус на српски јазик му понуди на претседателот на Собранието да ги разгледа законите за избор на членови во ДИК.
„Друже Талатче, прочитајте го доследно Изборниот законик. Инаку прекршување на законот се казнува преку бегство во Будимпешта – Унгарија“, вели Зеќирија Ибрахими.
реклама
Претседателот на Демократското движење, Изет Меџити, откри дека кандидат на албанската опозиција – Европски сојуз за промена за челн во Државната изборна комисија е Абдуш Демири од Движењето Беса. Меџити во „Телма“ рече дека Демири ги исполнува условите и ќе се пријави во конкурсот.
Инаку, испразнетото место во ДИК се создаде по именувањето на Кренар Лога за министер за правда од редовите на Алијансата за Албанците, кога беше во опозиција, но потоа стана дел од Владата, но продолжува да ја држи фотелјата во ДИК.
реклама
