Американскиот актер Дензел Вашингтон синоќа доби почесна Златна палма на Канскиот филмски фестивал, како признание за неговата извонредна кариера, соопштија организаторите. 70-годишниот Вашингтон дојде во Кан за премиерата на новиот филм на американскиот режисер Спајк Ли „Од највисоко до најниско“, адаптација на „Високо и ниско“ од легендарниот јапонски режисер Акира Куросава.
Наградата претходно не беше најавена и беше изненадување кога синоќа на сцената ја соопшти директорот на Фестивалот, Тиери Фремо.
„Ова е многу посебен ден. Дензел, бидејќи си тука, сакаме да направиме нешто посебно за тебе. Тоа е еден вид начин да ти ја искажеме нашата восхит, што си направил за филмот. Никој не знае за тоа освен Спајк Ли, кој ми пиша да го сторам тоа“, кажа Фремо.
Вашингтон го игра Дејвид Кинг во крими-трилерот, што е петти пат по ред да соработува со Ли. Во богатата кариера Вашингтон има добиено два Оскара, за филмовите „Ден за обука“ во 2002 и „Слава“ во 1990.
На отворањето на Канскиот фестивал, кој трае од 13 до 24 мај, почесна Златна палма доби американскиот актер Роберт де Ниро.
ИЗВОР: sdk.mk
