реклама
Македонскиот обвинител Гаврило Бубевски за српска ТВ Нова изјави дека на осомничените за убиството на тинејџерката Вања и фризер Панче Жежовски се соочуваат со казна затвор од 10 години до доживотен затвор.
Според него, денеска се очекуваат првите кривични пријави против осомничените.
реклама
„Последната информација е дека на уапсените им е одреден притвор од 48 часа, меѓу кои е и таткото на Вања. Тројца ја признаа вината, а четвртиот за кој имаме докази дека е вмешан, ништо не призна. Активна е меѓународната потерница по убиецот и чекаме да се реализира. Деталите за улогата на таткото се уште се исти. Ги дал сите информации за движењата на девојката, кога ќе биде сама и слично. Киднапирањето на девојчето е поврзано со личен интерес, истото го кажале и осомничените, го киднапирале детето за да земат пари од мајката. После тоа се случи убиство, кое ја потресе цела нација“, вели обвинителот Бубевски.
Според него, киднаперите се плашеле дека полицијата ќе им го открие планот, па го убиле девојчето пред нејзината мајка да биде информирана за откупот.
реклама
„Денеска ја очекуваме првата кривична пријава, очекувам да видиме што ќе се собере за да ја имаме целата приказна. Мислам дека пријавата само ќе се совпадне со приказната на осомничените“, вели обвинителот.
„Ваков случај досега немало, но тоа му дава тежина на овој случај“, заклучува Бубевски за ТВ Нова.
реклама
