ЛОС АНЏЕЛЕС (АА) – Четири лица загинаа во синоќешниот инцидент што американската полиција на Лос Анџелес го окарактеризира како убиство и самоубиство во областа Гранада Хил, известува Анадолу.
Полицијата интервенирала синоќа по пријавата и во авенијата Лердо ги открила телата на четири лица.
„Инспекторите утврдија дека станува збор за убиство и самоубиство“, соопшти Полициската управа на Лос Анџелес.
По примениот повик, полицијата пристигнала на местото на настанот и тропнала на вратата, но немало одговор. По насилното влегување во куќата, пронајдени се безживотните тела на маж во доцни 40-ти години и две жени, една во доцни 40-ти и втора околу 80 години.
Сите починале од прострелни рани, соопшти полицијата.
Полицијата пронајде тело на уште еден маж во доцни 80-ти, кој извршил самоубиство со истрел од огнено оружје во друг дел од куќата.
Се верува дека тој претходно ги убил жртвите, а потоа извршил самоубиство.
„Имало сведок во куќата и за среќа, тој не е повреден во текот на инцидентот. Се забарикадирал внатре и ја повикал полицијата“, соопшти полициската службеничка Кели Мјуниз.
Полицијата не ги објави имињата на жртвите, ниту можниот мотив.
Извор: Anadolu Agency (AA)
