реклама
Социјалните мрежи горат и се бара одговорност за сите медицински лица и оние кои манипулирале со лековите за лекување на ракот на Клиниката за онкологија. Се бара кривична одговорност со име и презиме.
Премиерот Ковачевски повика овој случај да не се користи како сензација во медиумите, уверувајќи дека Владата нема да интервенира да заштити никого.
„Секој криминал има име и презиме, има одговорност. Задача на МВР и Обвинителството е да обезбедат докази врз основа на кои ќе се откријат сторителите. Повторувам, од страна на шефот на Владата и Владата нема да има интервенција за да се заштити некој. Навистина се работи за страшни информации кои се предмет на истрага на МВР и Обвинителството.“, рече Ковачевски.
Ковачевски најави дека нов директор раководи со оваа клиника. Станува збор за Халид Матоши, кој на оваа функција дојде откако Алијансата за Албанците влезе во владиното мнозинство. ТВ21 директно го контактираше директорот. Го прашавме дали има сознанија за овие злоупотреби. Ни рече дека ќе не контактира во наредните денови, штом целиот случај биде расчистен од надлежните.
За ВМРО-ДПМНЕ Ковачевски се однесува како да не е премиер. Тие обвинуваат дека овие злоупотреби се случиле во последните две години, токму кога Ковачевски беше премиер. Лазо Јовчески од комисијата за здравство на ВМРО дпмне , вели дека на оваа информација реагираат две години, но МВР не презема никакви мерки за да се спречи загубата на животите на пациентите.
„Неодамнешниот скандал со пуштање во промет на цитостатици на Клиниката за онкологија е шокантен. Од една страна ни нудеа билборди за европско и бесплатно здравство, а од друга страна ја гледаме мафијата во здравството. Освен манипулирање со јавноста, нема никакви мерки кои треба да се преземат за да се спречат овие случаи кои може да резултираат со загуба на животи. Токму оваа Влада на СДСМ и ДУИ ветуваше живот, но изгледа само им донесе катастрофа на народот“, вели Лазо Јовчески од Комисијата за здравство во ВМРО-ДПМНЕ.
„За скандалот на Клиниката за онкологија алармираше Алијансата за Албанците уште во декември 2022 година. Не сакам да верувам дека е вистина, бидејќи во спротивно белиот мантил станува црн.“, велат од Алијанса за Албанците.
Инаку, премиерот Ковачевски, за да се спречи злоупотребата на лековите, на следната седница на Владата ќе предложи да се постави систем Track & Trace на границата за да се знае точно што се увезува, со каков квалитет и каде завршува лекот.
реклама
реклама
