реклама
Македонија има на располагање нови 97 милиони евра со ИПАРД 3 програмата за модернизација на македонското земјоделство, што е зголемување од 37 милиони евра во однос на ИПАРД 2 програмата со која земјата имаше на располагање 60 милиони евра.Заедно со 82 милиони евра преку учество на корисници, вкупниот износ на инвестиции достигнува 210 милиони евра.
-Објавен првиот повик од ИПАРД 3 програмата.Со ова и официјално сме првата земја која ја започна имплементацијата на програмата ИПАРД 3. 30 милиони евра, 30 милиони европски пари од денеска до 1 ноември се достапни за агро-сектор . Овој повик поддржува инвестиции во се, агросектор и рурален развој за што имаме голем потенцијал. Целата програма од ИПАРД 3 заедно со кофинансирањето од апликантите ќе достигне 210 милиони евра инвестиција-вели министерот Љупчо Николовски.
50% од средствата за земјоделците ќе бидат дадени веднаш штом ќе се потпише договорот. Според премиерот Ковачевски, целта е земјоделството и економијата да напредуваат и да се развиваат преку членството во ЕУ бидејќи тоа би донело многу поголеми придобивки од европските фондови.
„Целта ни е ИПАРД 3 програмата да биде поуспешна. Искористеноста на средствата се подразбира повторно 100% од оние што ги добивме од Европската Унија. Поради оваа причина обезбедивме и предвремена исплата на средствата, со што попрво ќе ги мотивираме земјоделците за инвестирање. Крајната цел е нашите земјоделци, нашата економија да доживеат напредок и развој преку реализација на полноправно членство во Европската Унија. Затоа што влегувањето во Европската Унија носи повеќе придобивки и носи финансиски средства од фондовите на ЕУ.“, рече Димитар Ковачевски.
Беа презентирани и успешните резултати од претходната мерка ИПАРД 2, каде се потпишани вкупно 2365 договори, а нивната вредност со кофинансирање достигна 83,2 милиони евра.
реклама
реклама
