Бројот на загинати од торнадата и поплавите во САД се зголеми на 16

ДАЈЕРСБУРГ (АА) – Бројката на загинати од ураганите и поплавите што зафатија некои држави во средниот запад и јужниот дел на САД, се зголеми на 16, известува Анадолу.

Американската Национална служба за метеорологија (NWS), соопшти дека се очекува поплавите да достигнат „сериозно ниво“ во многу региони на овие држави поради торнадата што зафатија различни држави како Алабама, Мисисипи, Кентаки и Тенеси.

Локалните власти истакнаа дека во овие држави на средниот запад и југот на земјата се издадени предупредувања за торнада и поројни поплави, а бројката на загинати поради поплавите се зголеми на 16.

Стотици патишта во американската сојузна држава Кентаки се неупотребливи поради паднати дрвја, надојдени води и одрони од камења. Соопштено е дека на 2.000 луѓе им е наредено да се евакуираат од северниот дел на оваа држава.

Според податоците објавени на веб-страницата „FlightAware.com“, откажани се 521 лет до и од САД, а одложени се повеќе од 6.400.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.