БОНО ГО ОТВОРИ 29. САРАЕВСКИ ФИЛМСКИ ФЕСТИВАЛ, КАКО ЅВЕЗДА НА ДОКУМЕНТАРЕЦ ЗА ЈУ-ТУ И САРАЕВО

August 12, 2023
1 min read

Двајца членови на Ју-Ту, Боно Вокс и Д Еџ беа изненадување на вечерта, на синоќешното свечено отворање на 29. Сараевски филмски фестивал. Двајцата легендарни музичари дојдоа заедно со нивните сопруги, како и моделката и активистка Кристи Тарлингтон и новинарката на Си-Ен-Ен, Кристијана Аманпур. Фестивалот отвори со документарецот „Бакни ја иднината“ на Ненад Чичин-Шаин, кој е инспириран од Ју-Ту и нивната значајна улога за воено и повоено Сараево и неговите жители.

Во филмот е прикажан активизмот на Боно и настапот на Ју-Ту на стадионот Вембли во Лондон, пред точно 30 години. Врската на Боно со Сараево и Сараевскиот филмски фестивал трае веќе неколку децении. По посетата на Фестивалот во 2000 и 2021 година, тој често доаѓа во Сараево како поддршка на фестивалот.

Оваа година, Сараевскиот филмски фестивал ја одбележува 30-годишнината од првото воено кино Аполо, кога градот беше под опсада, а публиката се собра да гледа филмови во подрумот на Академијата за драмски уметности, со што се прославува јубилејот поврзан со самиот почеток на фестивалот. Приказната е токму за заедницата која продолжи да работи и живее во текот на опсадата на Сараево во 1990-тите. Во филмот исто така се појавува и Аманпур, која раскажува за своето искуство  како млада репортерка која известувала за војната.

Боно и Кристијана Аманпур синоќа во Сараево. (Фото: Дедлајн)

Фестивалот ќе трае до 18 август, а во трка за Срце на Сараево се 49 филмови.

Две македонски копродукции ќе имаат светска премиера во конкуренцијата за награди за документарци, „Тело“ на Петра Селишкар копродукција со Словенија и „Молк на разумот“ на Кумјана Новакова со БиХ. Екипа на „Кајмак“ со режисерот Милчо Манчевски на 17 август ќе продефилира на црвениот килим, во програмата Open Air.

ИЗВОР: sdk.mk

MARKETING

MARKETING

Претходно

Османи: Казахстан до крајот на 2023 година ќе ја отвори најавената Амбасада во Скопје

Следно

СДСМ: За настаните во Тетово и Скопје одговорите ДПМНЕ нека си ги побара кај Мицкоски

Latest from Blog

ФОТО: Невеш со емотивна објава се прости од Жота – „Животот нè спои и сега ништо не може да нè раздели“

Фудбалскиот свет сè уште е во шок по трагичната смрт на ѕвездата на Ливерпул и португалски репрезентативец, Диого Жота заедно со својот брат Андре го загуби животот во сообраќајна несреќа во четвртокот

АТС АММО: Пожарот во близина на Самоков целосно локализиран и изгаснат, без опасност по фабриката

Компанијата АТС АММО од Самоков, Македонски Брод, излезе со соопштение по повод денешниот пожар што избувна во близина на нивната фабрика. Од таму информираат дека пожарот бил целосно локализиран и веднаш потоа

Високи температури утре низ државата; портокалово предупредување од УХМР

Утре (недела, 6 јули 2025) се очекува стабилно, претежно ведро време со изразен пораст на температурата и активен портокалов аларм за екстремна горештина на целата територија на Македонија. Општинските служби советуваат ограничување

Израел ќе испрати делегација во Катар на преговорите за прекин на огнот во Појасот Газа

Израелски медиуми објавија дека Израел ќе испрати делегација во Катар која ќе преговара за ослободување на заложниците и прекин на огнот во Појасот Газа. Но, не е прецизирано кога израелската делегација ќе
Go toTop