Апелацискиот суд денеска ја прифати жалбата на Беќим Незири и од домашен притвор го пушти на слобода. Претходно судија на претходна постапка не го прифати барањето на обвинителството за притвор, а Кривичниот совет реши за домашен притвор. И вишото обвинителство се согласи со одлуката на Апелацискиот суд.
При одлучувањето овој суд ги имаше предвид и дадените предлози на Вишото јавно обвинителство Скопје со кои се предлага да се уважат жалбите на осомничените, стои во соопштението на Апелација.
И Алмир Рамдедовиќ ќе се брани од дома. Тој е осомничен дека ја крена рампата, како дел од обезбедувањето на компанијата „2СС“, а Апелацискиот суд му ја враќа слободата и му го задржува пасошот.
За пропустите во работата на „2СС“ пишува и во извештајот на Агенцијата за цивилно воздухопловство во кој се бара кривична одговорност.
За останатите осомничени, иако судот првично одреди притвор, потоа кривичниот совет одлучи за домашен притвор.
Извор: 24vesti.mk
