Политичкиот аналитичар Благојче Атанасоски во Отворено рече дека, во политичката партија „Вреди“ во моментов проблем е нивниот легитимитет, но и судирот на ега и суети.
Според него, се додека во Македонија се зборува за етнички проблеми а не за реални, државата нема да има солидна иднина.
„Самото учество на ‘Вреди’ на изборите беше проблематизирано од нивниот легитимитет кој го добиваат од албанските гласачи. Во ‘Вреди’ имаме истрошени кадри кои претхдно биле од ДУИ па се тргнале и направиле политички партии или се ликови кои партиципирале во влади со ДУИ и тука е спорен тој легитимитет. Друго Таравари наголемо пред избори ветуваше дека ‘Вреди’ ќе поставува услови и ако не се почнат преговорите со ЕУ за 6 месеци од новата Влада ќе го преиспитаат коалцирањето со владата. Гледаме дека тоа ветување не се исполнува. Имаме судир и на ега и суети“, рече Атанасоски.
Тој зборуваше и за тоа дека во Македонија потребно е да се зборува за реални проблеми кои си засегаат сите етнички заедници.
„Нашите проблеми ги делиме и ги живееме подеднакво сите. Сите дишеме загаден воздух, имаме катастрофално обарзование, имаме корупција, сите ги делиме истите проблеми и ако се навраќаме на етницирање на проблемите не само што нема да ги решиме туку ќе ги продлабочуваме. Македонија ќе станува се помалкубројна, има масовно иселување посебно откако се отворија портите со бугарскиот пасош, не се гледаат реланите теми туку се зборува само за етнички теми“, додаде Атанасоски.
Извор: 24vesti.mk
