Анчелоти за шансите за победа во Ла Лига: Нема сомнеж дека ќе се бориме до крај

1 min read

Тренерот на Реал Мадрид, Карло Анчелоти не се откажува од борбата за трофејот и покрај синоќешниот нерешен резултат на натпреварот против Бетис (0:0) во 24. коло од шампионатот на Шпанија.

– Се можеше да се направи подобро, нападот можеше да биде поефективен. Игравме добро во одбраната, добро се движевме меѓу редови, но ни недостигаше ефикасност. Понекогаш противникот се затвора, но ние имаме одредено ниво, мора да одиграме подобро. Повеќе ефикасност, помалку дриблинг, треба да играме посилно, можеби да шутираме од далечина. Треба да се подобриме, изјави Анчелоти по натпреварот.

Исто така, италијанскиот стручњак шпекулираше за шансите на Реал Мадрид да победи во Ла Лига.

– Да, можно е. Не е нереално. Многу е тешко, но нема сомнеж дека ќе се бориме до крај, додаде тој.

По овој натпревар, Реал Мадрид е втор во поредокот со 53 бодови, девет бода помалку од лидерот Барселона.

ИЗВОР: kurir.mk

Претходно

Исчезна внукот на Љубе Бошковски

Следно

Повредени 26 лица на антивладини протести во Перу

Latest from Blog