Новинарот Мирче Адамчевски во 24 анализа рече дека изјавите на Трамп за планот да ја преземе Газа се само закана со која сака да провери до каде може да се движи. Според него тој нема да ја реализира оваа цел бидејќи многу од реакциите во Светот се дека мора да има Палестинска држава.
„Трамп колку и да се обидува нема да ја реализира оваа цел но мене ме плаши Израел затоа што ако ги гледаме работите пошироко, додека беше војната во Газа, тие ги протеруваа Палестиците од Западен Брег и имаше етнико чистење и тука е важно до каде ќе оди дијалогот со Израел и колку Трамп ќе им попушти и дали ќе им даде територија“, изјави Адамчевски.
Тој објасни дека мислењата во светот и реакциите се дека Палестиската држава треба да постои.
„Палестинците се научени да живеат под шатори. Тие се народ подготвен и по цена да е под шатор да живеат на своја територија. Прашањето е дали ќе дозволат да има Палестинска држава на тоа тло затоа што таа е поделена“, рече Адамчевски.
Извор: 24vesti.mk
