Најголем број патници на граничните премини Пелинце и Белановце имало за време на летните месеци. На ганичниот премин Пелинце, лани влегле 128.698 патници, од кои 38.636 македонски државјани и 90.062 странски државјани, а излегле 93.797 патници од кои 41.333 македонски и 52.464 странски државјани, информираа денеска од МВР.
Притоа најмногу патници преминале преку граничниот премин Пелинце во јули – 61.177, од нив 47.988 странски државјани и во август – 58.745 од нив 38.407 странски државјани, а тогаш е забележан и најголем број македонски граѓани кои излегле од земјата – вкупно 17.623, велат од МВР.
Овој премин често се користи како алтернатива во однос на најфреквентниот во земјава – Табановце и голем број странски туристи го користат за да го избегнат метежот во летниот период. Најмалку патници имало во февруари и во ноември.
На граничниот премин Белановце, пак, влегле вкупно 223.326 патници од кои 126.824 македонски државјани и 96.502 странски државјани, а излегле 244.516 патници од нив 163.139 македонски и 81.377 странски државјани.
Во 2024 година на граничниот премин Белановце најмногу патници преминале во август – 61.304 и јули – 56.362 кога е и забележан најголем број на странски државјани кои влегле во Северна Македонија – 29.187, информираат од МВР.
На овој премин, пак најмалку патници имало во март и февруари 2024 година.
ИЗВОР: racin.mk
