Комисијата за заштита на конкуренцијата, попозната како Антимонополска, од 1 јануари годинава по дојава ќе може да ги чешла договорите меѓу производителите, добавувачите и трговците за да открие дали има неправилности според Законот за забрана на нефер трговски практики. Контролата ќе треба да ја спроведат петте челна на Комисијата кои поради нефункционалноста на веб страната на Комисијата, не може да видиме кои се.
„Инаку Комисијата ќе работи, ќе може да влезе во фирмите да ги проверува договорите по дојава и така натаму. Значи, се она што ќе биде констатирано како неправилност ќе може да биде и казнето. Казната е висока, 20 илјади евра.“, изјави Марјан Ристески.
Законот беше донесен лани во март, стапи на сила во септември,а трите месеци до 2025 беа период за прилагодување на производителите, добавувачите и трговците. Од 1 јануари 2025 ќе се ловат 26 нефер практики, меѓу кои и да се спречи да има уцени од страна на големите, доминантни трговци кон дистрибутерите и производителите да не смеат да ги продаваат производите кај помалите трговци под цената која е кај големите играчи. Сепак, главната цел на Законот е да не можат трговците да им бараат рабат на производителите и на дистрибутерите над 10%.
ИЗВОР: ТВ 21
