Двајца загинати, 19 повредени при уривање на мал авион врз комерцијална зграда во Калифорнија

ИСТАНБУЛ (АА) – Две лица загинаа, а 19 други се повредени кога денес мал авион се урна на покривот на комерцијална зграда во близина на аеродромот Фулертон во Калифорнија, Соединетите Американски Држави (САД) соопшти локалната полиција, пренесува Анадолу.

Несреќата се случила во 14 часот и 9 минути по локално време кога авионот со четири седишта, едномоторно летало со ниски крила, удрил во зграда во Блокот 2300 на Авенијата Рајмер, соопшти полицискиот оддел Фулертон.

Идентитетот на загинатите ќе биде објавен подоцна.

Американскиот Национален одбор за безбедност на транспортот и Федералната управа за авијација го истражуваат инцидентот.

Фулертон е град во округот Оринџ, Калифорнија, приближно 35 километри југоисточно од Лос Анџелес.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.