БЕРЛИН (АА) – Државната мрежа на мигрантски организации во источната покраина Саксонија-Анхалт (ЛАМСА) денес предупреди на растечките напади против странците по смртоносниот напад во Магдебург овој месец, известува Анадолу.
„Има сѐ повеќе извештаи за расистичко непријателство кон луѓето со миграциско потекло. Документираните инциденти покажуваат дека расположението кај дел од населението е крајно напнато“, изјави Мамад Мохамад, извршен директор на ЛАМСА.
„Луѓето со миграциско потекло се чувствуваат несигурни и одвај се осмелуваат да одат таму (Магдебург) на улица. Стравуваме дека ситуацијата особено ќе се влоши на новогодишната ноќ“, додаде тој.
Мохамад ги повика жителите на Магдебург, како и политичките актери и граѓанското општество да заземат „јасен став против расистичката агитација и насилство“.
На 20 декември маж влета во топла луѓе со автомобил на божиќен базар, при што уби петмина и рани повеќе од 200 луѓе.
Обвинетиот е 50-годишен саудиски лекар, опишан како поддржувач на екстремната десница и ционизмот.
Тој дошол во Германија во 2006 година и работел како психијатар во Бернбург, јужно од Магдебург.
На 23 декември комесарот за антирасизам на федералната Влада, Рим Алабали-Радован, изрази загриженост по извештаите за антимуслимански напади по нападот во Магдебург.
„Нашите центри за антирасистички советувалишта во Магдебург и околината известуваат за сè понепријателската атмосфера и насилни напади врз мигрантите и муслиманите“, рече таа и додаде: „За жал, овој акт сега се користи како излез за да се дозволи расизмот да го продолжи својот тек. Мора да се спротивставиме на секој обид за политичко искористување на овој акт.“
Германскиот вицеканцелар Роберт Хабек, исто така, ги предупреди граѓаните да не ја поттикнуваат омразата кон муслиманите и странците по нападот.
Извор: Anadolu Agency (AA)
