Виена, Будимпешта, Белград и Атина, како и Новогодишните базари во Германија и Италија, ова се некои од најатрактивните дестинации за Новогодишните празници на македонските граѓани, велат туристичките оператори.
Факт е дека македонските граѓани сакаат да патуваат за празниците и патуваат на дестинации кои се во склоп на нивниот домашен буџет, вели туристичкиот водич Саше Љолес.
Додека Македонските граѓани патуваат надвор од земјата за празниците, кај нас доаѓаат туристи од Бугарија, Србија, Албанија и Турција. Во туристичката понуда сакаат да има вклучено традиционална македонска храна и музика, велат од Здружението на туристички водичи за ТВ24.
Од Стопанската комора пак, додаваат дека општините мора да создадат интересна понуда на плоштадите за новогодишната забава за да привлечат туристи, како домашни така и од странство. Туроператорите информираат дека освен Скопје и Охрид, Берово и скијачките центри како Маврово и Попова Шапка привлекле туристи овие празници поради интересната понуда за планински туризам.
Извор: 24vesti.mk
