Воздухот во Охрид урива рекорди по загаденост особено во вечерните часови. Екологистите се се позагрижени, од година во година аерозагадувањето е се поголемо.
Велат се започна пред неколку години со изградба на висококатниците а продолжува понатаму со континуираната урбанизација. Друг проблем е што се уште голем број домаќинства се греат на дрва а зголемен е бројот и на автомобили.Дополнително ситуацијата ја влошува и чадот од депонија Буково кој се симнува до градот. Има денови кога во Охрид буквално тешко се дише.
Многу често мерните станици регистрираат огромни концентрации на пм 10 честичките, дури 300 микрограми на метар кубен.Најпогодени хронично болните, постарите и децата.
Од општина Охрид велат изработен е план за подобрување на воздух кој предвидува повеќе мерки и тоа субвенционирање на клима уреди, воведување на денови без автомобили, стратегија за озеленување на јавните простори, како и набавка на електрични велсоипеди и возила.Но многу е важно сетоа ова од хартија да се пренесе и во пракса коментираат граѓаните.
Извор: 24vesti.mk
