35 години води битка со церебрална парализа. Стефан Ивановиќ од скопски Чаир живее сам. Болеста му е прогресивна, со годините се појавуваат спазми на нозете и отежнато дишење. Лек нема, а терапиите за ублажување на здравствената состојба не може да си ги дозволи.
Пред две години во Украина извршено му е пресадување на матични клетки. За кратко почнал да оди и без помагала. Се врати надежта да чекорам напред во животот, но процесот на лекување не можев да го продолжам, парите потребни за вториот операционен зафат не успеав да ги соберам раскажува Стефан кој живее само од социјални примања
Додека војува со болеста Стефан живее во неизвесност. Стравува дека ќе остане без покрив над глава. Станот каде што живее го продал за лекувањето во Украина. Новиот сопственик му дал рок да јануари да го напушти станот.
Но, борбата вели Стефан продолжува. Се надева дека институциите ќе одговорат позитивно на неговото барање за добивање на социјален стан. Верува во човечноста и добрите дела на луѓето кои ќе помогнат да го извлечат од дното и да продолжи со соодветна терапија за неговата болест чие лекување фондот за здравствено осигурување не го покрива.
Извор: 24vesti.mk
