Годинава правиме втор, независен, мониторинг на развојот на пробациската служба во соработка со ЕУ, а целта е да се развие нашиот правосуден систем. Годинава имаме 483 пробациски предмети, но тоа не е доволно зголемување. Мониторингот го правевме врз основа на неколку фактори затоа што во процесот на ресоцијализација на осудените лица се вклучени повеќе различни институции. Мониторингот укажува дека се уште најмногу се изрекува мерката условна слобода, а помалку условна осуда со заштитен надзор што ќе им помогне на осудените за ресоцијализација во средината. Најголем број пробациски предмети се од Кривичниот суд во Скопје, додека другите судови во земјата тоа ретко го прават, вели Александра Трајановска од Хелсиншкиот комитет за човекови права во СТУДИО 10 на ТВ 24.
– Пробациската служба има канцеларии во самите судови кои се допбро опремени и има доволен број службеници кои се обучени за надзор на пробациските предмети и можат да ги следат осудените лица и нивната ресоцијализација. Треба да се зголеми свеста кај судиите дека можат да придонесат со оваа мерка за намалување на пренатрупаноста во затворите, вели Трајановска.
Извор: 24vesti.mk
