Како што беше закажана, точно во 11 часот почна вториот ден од расправата во Собранието за програмата и за кадровските решенија за новата влада предложени од мандатарот Христијан Мицкоски.
Пратеничката од редовите на сегашната опозиција СДСМ, Сања Лукаревска од собраниската говорница ги укори ВМРО-ДПМНЕ дека за само неколку денови погазиле многу од своите ветувања.
Констатацијата на Лукаревска предизвика многу реплики и контрареплики од пратеници на владејачката ВМРО-ДПМНЕ, со акцент на тоа дека надежта кај македонците од ден на ден била се поголема и ќе кулминирала со изборот на владата.
Од Европскиот Фронт пак пратеникот Бејџан Илјаз од Демократската партија на Турците, вели дека сите граѓани треба да се еднакви и рамноправни но со најавата за укинување на балансерот ќе се отежнела правичната застапеност како и промената на изборниот модел.
Никола Мицески од ВМРО-ДПМНЕ му реплицираше на Илјаз дека ВМРО-ДПМНЕ има ветено изборен модел со една изборна единица, и намалување на бројот на пратеници на 90. Мицевски со предлог до партиите на турците во земјава, да бидат дел од Владата нпредводена од ВМРО-ДПМНЕ.
Од поинтересните коментари, го бележиме оној на пратеникот на Левица, Борислав Крмов кој го предизвика мандатарот Мицкоски, заклетвата да ја дал без придавката Северна, впрочем како што јавно се обврзуваше во телевизиски гостувања додека беше опозициски лидер.
Гласањето за Новата Влада треба да се случи денеска до полноќ. Таа се смета за изгласана со 61 пратенички глас за, што на владејачкото мнозинство воопшто не му е тешко да ги обезбеди со оглед на фактот што трипартитната владејачка коалиција на ВМРО ДПМНЕ со ВРЕДИ и движењето ЗНАМ брои 78 пратеници.
Извор: 24vesti.mk
