МЗ и натаму тактизира со одговорот на прашањето што се случува со хируршките сали во скопскиот Клинички центар

Министерството за здравство не соопштува што се случува во хируршките сали во скопскиот Клинички центар „Мајка Тереза“.

Дали дефектите поради кои салите беа ставени надвор од функција изминативе неколку дена се веќе санирани, која е причината за затворањето и кога ќе бидат повторно подготвени за пациентите, од кабинетот на министерот Демири нема одговори на овие прашања.

Здравствениот инспекторат вчера соопшти дека извршиле контрола во хируршкиот блок, но дека надлежните служби треба да го решат проблемот за да може повторно да се вршат операции.