Една по една, европските земји почнаа да ја признаваат Палестина како како независна држава…И покрај противењето на израел, првиот чекор го направи норвешка, од каде потврдија дека на 28-ми мај, ќе го признаат постоењето на палестина како самостојна држава…За норвешката влада, војната во Газа јасно покажала дека мир и стабилност на блискиот исток, единствено може да се постигне ако се реши палестинското прашање…
„Ние веруваме дека решението со две држави е во најдобар интерес на Израел..Целта е да се создаде палестинска држава која е политички кохезивна и која произлегува од палестинската самоуправа.“ – изјави изјава Јонас Гар Сторе премиер на Норвешка.
Потврда дека ќе ја признаат Палестина стигна и од Ирска и Шпанија. Одлуката официјално ќе биде потврдена следната недела.
„Следниот вторник, на 28 мај, Шпанија ќе го усвои признавањето на палестинската држава во Советот на министри.“ – изјави Педро Санчез премиер на Шпанија.
И Русија се приклучи на земјите кои ја признаа независноста на Палестина. Портпаролот на Кремљ, Дмитриј Песков изјави дека Русија како правен наследник на Советскиот сојуз ја признава државата Палестина.
Од Хамас велат дека зад оваа одлука стои отпорот кој палестинскиот народ го пружал во изминативе години и очекуваат промена кај меѓународната заердница во однос на палестинското прашање. Од палестинското министерство за надворешни работи со порака, после долго време, правдата конечно стигна.
„Признавањата на Шпанија, Норвешка и Ирска се во согласност со меѓународното право и со сите релевантни резолуции на Обединетите нации, што пак позитивно ќе придонесе за сите меѓународни напори насочени кон ставање крај на илегалната окупација на Израел и постигнување мир и стабилност во регионот.“ – велат од Министерството за надворешни работи на Палестина.
Штом беше објавена одлуката за признавање на Палестина, Израел веднаш ги повлече амбасадорите од Норвешка, Шпанија и Ирска. На трите држави им порачаа дека нема да се повлечат пред оние оние кои го поткопуваат суверенитетот на државата и ја загрозуваат нејзината безбедност.
„Денешната одлука испраќа порака до Палестинците и светот: тероризмот се исплаќа..Откако терористичката организација Хамас го изврши најголемиот масакр на Евреите од Холокаустот, по извршените грозоморни сексуални злосторства на кои сведочеше светот, овие земји избраа да ги наградат Хамас и Иран со признавање на палестинска држава.“ – изјави Израел Кац министер за надворешни работи на Израел.
За Израел, одлуката за признавање на Палестина преставуваат награда за тероризмот кој го извршил Хамас и предупредуваат дека со ова, само ќе се отежнат преговорите кои треба да стават крај на војната во Газа.
Извор: 24vesti.mk
