ИСТАНБУЛ (АА) – Туркије е прогласена за најдобра земја во развој во јужна Европа за патување и туризам, според извештајот на Индексот за развој на патувањата и туризмот (TTDI) за 2024 година, објавен од Светскиот економски форум (WEF) во соработка со Универзитетот во Сари, јавува Анадолу.
Во најновиот индекс, Туркије се искачи за осум места и се рангираше на 29-тото место од 119 земји. Со резултат од 4,39 отсто, го надмина глобалниот просек за 10,6 отсто и европскиот просек за 3 отсто, позиционирајќи се како една од земјите со најдобар перформанс на ова поле и во светот и во Европа.
Со овој пораст, Туркије стана водечка земја во категоријата за Јужна Европа, која ги вклучува и Хрватска, Италија, Малта и Шпанија.
Туркије, исто така, направи забележително подобрување од 14 отсто во индикаторот за приоритизација на патувањата и туризмот, скокајќи за 18 места со што стана втора во светот според овој критериум. Земјата, исто така, покажа значителен прогрес во инфраструктурата за воздушен транспорт, издигнувајќи се за 10 места и се рангира на 8-то место во светски рамки.
Туркије го задржа 13-тото место кај индикаторот за културни добра во извештајот и напредуваше седум места во нерекреативните ресурси, достигнувајќи го 16-тото место. Во критериумот за природни ресурси, Туркије се искачи за 24 места рангирајќи се на 32-то место.
Светскиот економски форум го ажурираше индексот во 2022 година, менувајќи го своето име од Индекс на конкурентност во патувањата и туризмот (TTCI) во Индекс за развој на патувањата и туризмот (TTDI), со посилен фокус на одржливоста.
Конкурентноста на цените, туристичките услуги и инфраструктурата, сигурноста и безбедноста, човечките ресурси и пазарот на труд, одржливоста на побарувачката и деловното опкружување се пријавени како индикатори во кои Туркије има простор за подобрување.
Извор: Anadolu Agency (AA)
