АНКАРА (АА) – Во услови на зголемени тензии предизвикани од израелскиот напад врз иранскиот Конзулат во Дамаск, Туркије денес ги повика сите страни на воздржаност, нагласувајќи ја важноста од спречување на понатамошна ескалација, јавува Анадолу.
„Со оглед на последните случувања, станува сѐ поочигледно дека тензиите првично се предизвикани од израелскиот нелегитимен напад врз иранскиот Конзулат во Дамаск, а постои ризик да се претворат во траен конфликт“, соопшти турското Министерство за надворешни работи.
Министерството ги повика сите страни да се воздржани од чекори што можат да доведат до поширок конфликт.
„Приоритет на меѓународната заедница треба да биде да се запре масакрот во Газа и да се обезбеди траен мир во нашиот регион преку формирање на палестинска држава“, се вели во соопштението.
Тензиите дополнително ескалираа меѓу Иран и Израел откако Техеран во саботата изврши напад со дрон и ракетен напад како одговор на нападот на неговиот конзулат во Сирија на 1 април, во кој беа убиени седум воени советници.
Турското Министерство се огласи по извештаите за израелски напад врз Иран, откако силни експлозии се слушнаа во најмалку два ирански града утринава.
Извор: Anadolu Agency (AA)
