АНКАРА (АА) – Во акцијата на Турската национална разузнавачка служба (МИТ) во ирачкиот град Сулејманија, неутрализирана е Рожда Билен, една од таканаречените лидерки на терористичката организација ПКК/КЏК, пренесува Анадолу.
Според информациите добиени од безбедносни извори, МИТ утврди дека Билен, со кодно име Бисенг Бруск, се наоѓала во округот Пенцевин, во руралното подрачје на Сулејманија.
Во акцијата спроведена од МИТ Билен е успешно неутрализирана.
Наведено е дека Билен, која ѝ се приклучила на организацијата во 2011 година, пред Кривичниот суд во Ескишехир била обвинета за кривично дело „членство во вооружена терористичка организација“ и се наоѓала на „сината“ листа на терористи по потерница на турското Министерство за внатрешни работи.
Терористите на ПКК често се кријат во Северен Ирак за да организираат прекугранични напади во Туркије.
Во својата над 35-годишна терористичка кампања против Туркије, ПКК, која е ставена на листата на терористички организации од страна на Туркије, САД и ЕУ, е одговорна за смртта на повеќе од 40.000 луѓе, меѓу кои и деца и жени.
Извор: Anadolu Agency (AA)
