Со отворањето на изложбата на маски од ученици од прилепските училишта, отворена во ЦК „Марко Цепенков“ во Прилеп, денеска започнаа активностите за годинашниот карневал Прочка 2024.
Околу 300 маски изработени од прилепските ученици се дел од изложбата, најголемиот дел традиционални.
Гран при наградата за најмаска му беше врачена на осмооделенецот Матеј Тодоров од ООУ „Блаже Конески” за неговото дело Прилепски тутунар. Беа доделени и други награди, како и специјалната за детските градинки „Наша иднина“.
Во центарот на Прилеп, на платото кај Градскиот саат здружението на жени „Преродба“ ќе го претстави обичајот за „Велики поклади- Прочка“, „Амкање“. Обичајот ќе биде изведен во автентичен амбиент, привлечен за минувачите, кои во тој период ги има многу, како прилепчани, така и гости, а настанот ќе биде збогатен со настап на младите уметници Марко и Антонио, дел од етно составот „Пиреј“. Во текот на денот во Старата прилепска чаршија ќе продефилираат мечкарите кои ќе ги канат касапите и занаетчиите на карневалот и на посниот ручек – грав, в понеделник.
В недела напладне, на Прочка, во центарот на Прилеп е главното карневалско дефиле на маските кое ќе го предводи автентичната, од министерството закултура порогласена за нематеријално културно наследство, маската Прилепски мечкари.
На Карневалот се очекуваат околу 500 учесници со поединечни и групни маски, а стручно жири ќе ги прогласи најдобрите. Поканети се учесници и од речиси сите краишта на Македонија.
Извор: 24vesti.mk
