АНКАРА (АА) – Турскиот министер за надворешни работи Хакан Фидан на американскиот советник за национална безбедност Џејк Саливан му нагласил дека во Газа треба што поскоро да се прогласи прекин на огнот, јавува Анадолу.
Според информациите од дипломатски извори, Фидан во Вашингтон се сретнал со Саливан и во таа пригода му порачал што поскоро да се прогласи прекин на огнот во Газа, како и да се зголеми хуманитарната помош што пристигнува во регионот.
Во текот на средбата е кажано дека руско-украинската војна не смее повеќе да се продолжува и дека војната треба да се реши „во рамките на територијалниот и политичкиот интегритет на Украина“.
Истакната е решителноста на турската страна во борбата против терористичките организации во Сирија и дека САД треба да дејствуваат во духот на сојузништвото и да ги прекинат односите со ограноците на терористичката организација ПКК.
Во текот на состанокот пренесено е и значењето на политичката стабилност во Ирак, а се разговарало и за борбата против тамошните „вгнездени терористички организации“.
Kажано e и дека се поддржува азербејџанско-ерменскиот мировен процес и дека постигнатиот напредок ќе биде одлучувачки за просперитетот на Кавказ.
Извор: Anadolu Agency (AA)
