Вучиќ за ставот на Србија кон Русија и Украина: Tоа не е хибридна, туку многу јасна позиција на слободна земја која носи свои одлуки

February 29, 2024
1 min read

Србија нема потпишано никаков договор со Украина за оружје и муниција, изјави денеска во Тирана српскиот претседател Александар Вучиќ по самитот Украина – Југоисточна Европа.

Домаќини на вториот самит Украина – Југоисточна Европа во Тирана беа украинскиот претседател Володимир Зеленски и албанскиот претседател Еди Рама.

„Не, ние не потпишавме никакви аранжмани со претседателот Зеленски. Ние го поддржуваме територијалниот интегритет на Украина, а тие го поддржуваат територијалниот интегритет на Србија. И ние сме им длабоко благодарни. Двете земји ги поддржуваат прописите на Повелбата на ОН и резолуциите на ОН, кои се темел и основа на меѓународното јавно право“, рече Вучиќ.

Според известувањето на агенцијата „Танјуг“ од Тирана, ова бил неговиот одговор на прашањето на неименуван странски медиум да коментира како во средата во Тирана ја потпишал декларацијата со која се осудува руската агресија врз Украина, а во исто време рекол дека Србија не воведува санкции за Руската Федерација. Дополнително прашање беше зошто Србија ќе одржи таков хибриден однос кон Украина и Русија и дали има потпишано некакви конкретни договори со украинскиот претседател за оружје или муниција.

Украинскиот претседател Володимир Зеленски во средата во Тирана, на самитот со лидерите од регионот, изјави дека Украина е заинтересирана за заедничко производство на муниција со земјите од Југоисточна Европа и најави почнување на украинско-балканскиот форум за одбранбена индустрија. Земјите од регионот имаат развиена воена индустрија, а особено Србија и БиХ имаат производство на муниција. Хрватскиот премиер Андреј Пленковиќ неодамна најави отворање фабрика за муниција во Хрватска.

Коментирајќи го официјалниот став на Србија кон Русија, Вучиќ нагласи дека тоа не е хибридна позиција, туку „многу јасна позиција на слободна земја, која носи свои одлуки за себе и за доброто на својот народ“.

На новинарско прашање дали Србија ја почитувала декларацијата на ЕУ според која рускиот претседател Владимир Путин е одговорен за убиството на рускиот опозициски лидер Алексеј Навални, Вучиќ рече дека Србија не се усогласувала по овие прашања и дека е важно да води „самостојна политика, независна и да се оценува од случај до случај“.

Радио Слободна Европа претходно денеска, повикувајќи се на дипломатски извори во Брисел, објави дека Србија не ја почитувала декларацијата на ЕУ, во која одговорноста за смртта на Навални му се припишува на рускиот претседател.

Извор: skopskoeho.mk

MARKETING

MARKETING

MARKETING

Претходно

Ќе се пренамени ли Домот на културата во Штип во дискотека?

Следно

Како Шведска му докажа на светот дека греши со карантините

Latest from Blog

Што порачува Светска банка, каде треба да бидеме внимателни и да правиме реформи? Одговара Треновски

Универзитетскиот професор Борче Треновски вечерва во емисијата „Бизнис21“ на ТВ21 објасни што порачува Светската банка за Македонија, и каде треба да се бидеме внимателни и да правиме реформи. Како што вели, дел

Здравковски во 24 анализа: Македонија како ниту една друга држава досега има направено многу отстапки во евроинтеграциите

Пратеникот од ВМРО-ДПМНЕ, Игор Здравковки во 24 анализа на ТБ24 рече дека Македонија, како ниту една друга држава досега има направено многу отстапки во евроинтегративните процеси. Тој порача дека сегашната Влада се

Турскиот министер Фидан: Туркије ќе продолжи да ги поддржува Палестинците на секое поле

АНКАРА/ИСТАНБУЛ (АА) – Туркије ќе продолжи да ги поддржува Палестинците на секое поле, вклучително и олеснувањето на итната хуманитарна помош за Газа, изјави министерот за надворешни работи на Туркије, Хакан Фидан, според

Лидерот на Хамас, Ал-Хаја: „Нашиот народ нема да заборави никого што учествуваше во геноцидната војна“

ИСТАНБУЛ (АА) – Членот на Политичкото биро на Хамас, Халил ал-Хаја, денеска изјави дека палестинскиот народ „нема да заборави никого што учествуваше во геноцидната војна“, пренесува Анадолу. На прес-конференцијата, Ал Хаја рече:
Go toTop