Македонија бележи рекорден раст на цените на недвижностите во последните три години, но и покрај тоа побарувачката за станови, посебно во градот под исарот останува голема. Во Штип постојано се градат нови станови, но и постојано се купува.
И во време на криза продолжува тенденцијата на зголемена купопродажба на станови во земјава. Зголемена побарувачка на станови е забележана и во градот под Исарот, па оттука прашањето кое се поставува е, од каде пари, ако постојано се вели дека е немаштија?
Дека интересот за купување станови не стивнува потврдуваат и од Агенциите за недвижнини, од каде за ТВ 24 велат дека големата побарувачка се должи на поволните стамбени кредити кои ги нудат банките, со рок на отплата до 40 години за младите брачни парови, но и на зголемениот број странски и домашни студенти во универзитетскиот центар на истокот.
Сосема спротивна е пак состојбата со куќите, додава Катарова, која посочува дека побарувачка за куќи има, но е многу мала. Инаку, цената на становите во Штип најмногу зависи од атрактивноста на локацијата и достигнува и до 1.500 евра за метар квадратен.
Извор: 24vesti.mk
