Ангеловска-Бежоска: Инфлациските трендови се позитивни, но потребна е претпазливост

February 23, 2024
1 min read

Гувернерката на Народната банка Анита Ангеловска-Бежоска во видеоинтервју за „Еуромани“ посочила дека инфлациските трендови се позитивни, но дека централните банки и понатаму треба будно да ги следат движењата бидејќи сеуште има неизвеност и ризици.

Како што пренесува Народната банка, Ангеловска-Бежоска оценила дека инфлацијата во регионот на Централна и Источна Европа, како и во земјава, е намалена на едноцифрени стапки, како резултат на водењето затегната монетарна политика од страна на централните банки и стабилизирање на светските цени на примарните производи. 

– Во регионот на Централна и Источна Европа инфлацијата се сведе од 16 на 5 проценти. Слична е ситуацијата и кај нас, каде што стапката на инфлација се намали на 3 проценти, од највисокото ниво коешто достигна околу 20 отсто, нагласила Ангеловска-Бежоска.

Таа истакнала дека последниот инфлациски шок не е од стандардна монетарна природа и дека многу фактори влијаеле, вклучително и нарушувањата во производството, трговијата, транспортот и цените на енергенсите, коишто придонеле за растот на инфлацијата.

Ангеловска-Бежоска посочила дека и покрај затегнувањето на монетарната политика од страна на централните банки, финансискиот сектор е стабилен, што се должи на мерките преземени од страна на централните банки по големата финансиска криза и стабилните биланси на банките со коишто влегоа во кризниот период.

– Банките влегоа во оваа криза со релативно солидна позиција, со силни капитални и ликвидносни заштитни слоеви, коишто главно беа изградени пред пандемијата и оттогаш се одржуваат, оценила Ангеловска-Бежоска.

Извор: 24vesti.mk

MARKETING

MARKETING

Претходно

Во Шпанија пронајдени 10 авиони, седум јахти и 357 станбени објекти, за кои се претпоставува дека се сопственост на руски бизнисмени

Следно

Дојава за бомба во амбасадите во Грција

Latest from Blog

Кузмановски: Сакаме да сме пример за младите, како што за нас беа Кире, Столе, Жути

Капитенот Филип Кузмановски повторно ја водеше Македонија до нова победа во квалификациите, овој пат вредна за пласман на ново Европско првенство. „Навистина пред сè сакам да се заблагодарам на целата публика за

Дрво падна врз автомобил во Струмица

Вечерва околу 20 часот, дрво паднало врз автомобил во Струмица, на улицата Ванчо Китанов. Регирала и противпожарната служба, и за среќа нема повредени. „Вечерва (недела) 11.05.2025 година, околу 20.00 часот на ул.Ванчо

Шукова: Чиста животна средина, приоритет во програмата на СДСМ за локалните избори 

Животната средина треба да ја гледаме како предност, не како трошок, тоа е еден од секторите кои исто така треба да го усогласиме со европските регулативи, порача потпретседателката на Социјалдемократскиот сојуз на

Ракометарите на Македонија убедливи против Литванија за нов пласман на ЕП 2026

Најдобрата машка ракометна репрезентација на Македонија ќе ја продолжи низата настапи на големи натпреварувања, започната во далечната 2012 година. Македонија го избори деветтиот пласман на ЕУРО, што е 15 големо натпреварување во
Go toTop