АНКАРА (АА) – Туркије во јануари беше домаќин на речиси 2,1 милион странски посетители, што е зголемување од 2,05 отсто на годишно ниво, покажуваат официјалните податоци објавени денес, јавува Анадолу.
Истанбул, најголемиот турски град по број на население, имаше најголем број посетители минатиот месец, 1,2 милиони, покажуваат податоците на Министерството за култура и туризам.
Северозападната турска област Едрене, која граничи со Бугарија и Грција, во јануари забележа 237.714 пристигнувања на странски туристи. Следува познатото летувалиште Анталија на турската ривиера со 178.306 странски посетители.
Руските туристи го зазедоа првото место со 11,3 отсто, односно околу 230.579 посетители од таа земја, потоа следуваат Иран со 10,4 отсто или 211.801 посетители и Бугарија со 7,93 отсто или 162.414 туристи.
Во 2023 година Туркије беше домаќин на 49,2 милиони странски туристи, што е зголемување за 10,4 отсто во однос на претходната година.
Извор: Anadolu Agency (AA)
