Рекордна количина од 5,7 тони кокаин, чија пазарна вредност се проценува на 52,62 милиони евра, е запленета во пристаништето Саутемптон во Велика Британија, скриена во пратка со банани од Јужна Америка.
Кокаинот бил откриен на 8 февруари, а пратката била наменета за Хамбург, Германија, пренесува „Скај њуз“.
Полицијата соопшти дека сега работи на откривање на криминални мрежи вклучени во шверц на кокаин.
Извор: alsat.mk
