Ердоган: Туркије има за цел да постигне целосна независност во енергетиката

Претседателот на Туркије, Реџеп Таип Ердоган, нагласи дека главната цел на земјата е да постигне „целосна енергетска независност“, јавува Анадолу.

„Нашата главна цел е да постигнеме целосна независност во енергетиката. Одлучни сме и храбро спроведуваме иницијативи кои ќе ја гарантираат енергетската безбедност на Туркије“, рече Ердоган за време на неговиот говор на состанокот организиран во турската област Зонгулдак.

Ердоган истакна дека дневното производство на нафтени бунари во планината Габар, лоцирана во југоисточната турска област Ширнак, од денес надмина 35.000 барели.

„Ние имаме за цел дневното производство на нафта во Габар да достигне 100.000 барели до крајот на 2024 година“, додаде тој.

Од 2020 година, Туркије ги зајакна напорите за истражување на нафта и гас, а овие напори резултираа со новооткриени резерви во југоисточниот регион Габар.

Рекордните нивоа на производство на нафта за кои придонесоа новите резерви ја доближија земјата до нејзината цел за постигнување енергетска независност.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.