Претседателот на Алијанса на Албанците Арбен Таравари ќе го претрка Зијадин Села. Утре во Куманово ќе одржи централно собрание за да докаже дека го има мнозинството во партијата кое застана зад одлуката на партискиот лидер за изборен настап со опозицискиот Европски сојуз.
Најавата за одржување на паралелно централно собрание дополнително ја вжештува внатрепартиската битка помеѓу поддржувачите на Таравари и тие на Села, кои се за самостоен настап на изборите.
До вжештување на ситуацијата доаѓа откако вчера на барање на кадровската комисија на Алијанса за Албанците беа разрешени директорите на „Македонски пошти“ и на Агенцијата за странски инвестиции Бујаре Абази и Газменд Авдија и на нивно место се именувани кадри поддржувачи на Села. Се очекува Владата да побара Собранието да ги разреши и министрите за здравство и за информатичко општество Фатмир Меџити и Азир Алиу, откако тие јавно порачаа дека нема да поднесат оставки од функциите.
Извор: 24vesti.mk
