Министерството за надворешни работи на Саудиска Арабија соопшти дека Ријад нема да воспостави дипломатски односи со Израел сè додека Тел Авив не признае независна палестинска држава и не престане израелската агресија врз Појасот Газа.
Соопштението уследи откако портпаролот за национална безбедност на Белата куќа, Џон Кирби изјави дека американската администрација добила позитивни информации дека Саудиска Арабија и Израел се подготвени да продолжат со разговорите за нормализација на односите.
Кралството издаде соопштение за да му ја потврди на Вашингтон својата цврста позиција за палестинското прашање во контекст на коментарите на Кирби, соопшти саудиското МНР.
Извор: 24vesti.mk
