За само четири дена се пополни бројот на пријавени граѓани кои аплицираа за ваучери за набавка на инвертери за греење во 2024 година. Од првиот ден кога беа отворени шалтерите имаше долги редици граѓани пред министерството за економија. Граѓаните велат дека ги комплетирале документите и очекуваат со добивањето ваучери за енергетска ефикасност да заштедат за греење во текот на зимата.
„Мислам дека ќе заштедиме, не знам, досега се греев на греалка и трошев 7-8 илјади денари месечно“.
Од Министерството за економија велат дека побарувачката била многу поголема од понудата и доколку се оди со ова темпо до последниот ден од објавувањето, апликациите од граѓаните ќе се зголемат неколкукратно.
„Во Архивата на Министерството за економија, за само четири дена од објавувањето на јавните повици, пристигнати се над 9000 апликации за доделување ваучери за набавка и монтажа на високоефикасни инвертер климатизери во домаќинствата за 2024 година. што ја надминува очекуваната бројка од над 7000 лица кои според обезбедените средства можат да добијат купон за клима уред инвертер“, велат од Економија.
За овие два јавни повици се планирани вкупно 255 милиони денари или 4,1 милион евра, од кои за енергетска ефикасност на домаќинствата годинава се издвоени 45 милиони денари од буџетот на Министерството за економија.
Аднан Ќаили
Извор: alsat.mk
