Студентите дадоа црвен картон за Министерството за образование и наука. И покрај тоа што утрово на своите трансакциски сметки ги добија стипендиите тие излегоа на протести пред МОН, со една цел – конечна реализација на сите нивни барања.
Според претседателот на Универзитетското студентско собрание, првично требало стипендиите да ги добијат на средината на јануари, потоа кон крајот на јануари за да на крај ги добијат денеска непосредно пред почетокот на најавените протести.. Студентите се револтирани и велат дека на улица се поради ненавремената исплата на сите мерки и неодговорното работење на самата институција.
Студентите не се откажуваат-потенцираат, промените во општеството доаѓаат од студентите, а за квалитетно образование велат, потребни се и поголеми финансиски средства..
Која е позицијата на студентот во државата? Студентите, како што посочуваат бараат основни услови за нивниот студентски живот и исполнување на барањата. Барањата велат се исти големиот протест во ноември 2022.
Министерот Јетон Шаќири со став дека има промена од ноември 2022. Вели, средствата за студентскиот оброк се исплаќаат навремено, а реконструкцијата на студентските домови ќе започне во најкус временски рок бидејќи Шаќири уверува дека сите правни законски обврски се завршени. Каде е кочницата за реализација на студентските барања?
Студентите најавуваат дека следениот чекор е иницијатива за воспаставување календар на активности, според кои МОН ќе треба да се придржува и ќе бараат промена во Законот за
за студентскиот стандард, со цел поголема финансиска поддршка, бидејќи велат и трошоците за живот се поголеми.
Извор: 24vesti.mk
