„Техничката влада не беше нужно да се случи. Ги видовме ДУИ како им стана стандард да играат фубал или кошарка или се гостат во државни институции, особено во министерството на Артан Губи. Пијат виски, пушат цигари. Не е тоа никакво пробивање, и претходно сме имале Албанци на многу високи позиции. Од друга. страна гледате дека на нивното гласачко тело не нудат ништо. Што можат тие на Албанецот да му понудат? Чисти улици, образование, плати, иднина? Сега се нуди само фолклор. Уште во народна носија фалеше да се облечат и да играат шота. Само фолклор и силеџиство. Сега се отвара прва седница на Албански. Претходно се воведува двојазичност во Собранието неуставно. И после Левица шири национализам. Едната карта е фолклор, а другата е гледајте колку сме јаки, гледајте што им правиме на Македонците, ние можеме што сакаме. Најсрамно е за претседател на Собрание во родното село да има јарбол од 30 метри со албанско знаме кое најгрубо го крши закон за знамиња. Тоа е првиот човек кој треба да укаже да се почитува законот, но покажува дека за нивната структура не важат никакви закони.“ – вели за „Студио 10“ Борислав Крмов ЛЕВИЦА.
Извор: 24vesti.mk
