Фадил Зендели од Европскиот сојуз за промени, денеска од новиот собраниски спикер Јован Митрески побарал да се деблокира процесот за избор на член на ДИК. Митревски одржа средба со здружената албанска опозиција која извесно време ја бојкотира работата на законодавниот дом поради испразнетото место во ДИК.
Сепак останува да виси пашањето дали Митревски ќе успее во обидот да ја смири здружената албанска опозиција која се закани со протести на улица.
Ултиматумите на т.н опозиција почнаа да се претвораат во молитви упатени до претседателот на Собранието во врска со изборот на нивен член во Државната изборна комисија, изјави денеска Аднан Незири, координатор на пратеничка група на Алијанса за Албанците, во реакција на изјавата на пратеникот Зендели.Тој го повика Зендели да оди кај Митрески и да побара од СДСМ еден од тројцата членови што ги има во ДИК. Незири истакна дека не се откажуваат од местото во ДИК и додава оти ако треба тоа ќе остане испразнето и за време на изборите.
Инаку по средбата со Митрески, Зендели во изјава за медиумите рече дека процесот за избор на нивен член на ДИК е заглавен кај претседателката на Комисијата за прашања на избори и именувања, Марија Георгиевска и доколку таа во наредните денови не ја деблокира работата на Комисијата, најави кривична пријава против неа. Посочи дека целата постапка се искомплицирала од претходниот претседател на Собранието Талат Џафери, кој, како што рече, дал можност на една новоформирана партија која нема законски надлежности да преземе член на ДИК.
Митревски пак изради надеж дека ќе успее да ги смири меѓу Алијанса за Албанците и Беса. Местото во ДИК остана празно откако Кренар Лога стана министер за правда, а сега тоа треба да биде пополнето со претставник од опозицијата.
Извор: 24vesti.mk
