Ердоган: Одлуката на Меѓународниот суд на правдата го одразува нашето мото дека светот е поголем од 5

ИСТАНБУЛ (АА) – Претседателот на Туркије, Реџеп Таип Ердоган, ја поздрави вчерашната пресуда на Меѓународниот суд на правдата (МСП) против Израел, наведувајќи дека таа ја одразува сликата дека „светот е поголем од 5“, што е негов слоган за механизмот на Советот за безбедост на ОН во кој 5 постојани членки имаат право на вето, блокирајќи го мнозинството иницијативи, известува Анадолу.

„Одлуката што вчера ја донесе Меѓународниот суд на правдата го одразува нашето мото дека светот е поголем од 5. Уште еднаш го повикуваме Израел да го послуша гласот на меѓународната заедница и институциите и веднаш да ги запре своите напади и масакри“, порача Ердоган на предизборниот собир во Измир.

Јужноафриканската Република на 29 декември поднесе пријава против Израел пред хашкиот МСП, обвинувајќи го Израел дека спроведува геноцид во Појасот Газа.

МСП вчера изрече привремени мерки, повикувајќи го Израел да престане со попречувањето на испораката на помошта во Газа и да ја подобри хуманитарната ситуација.

По пресудата, Ердоган ја поздрави привремената одлука на МСП, опишувајќи ги изречените привремени мерки за „вредни“.

„Ќе продолжиме да го следиме процесот за да бидеме сигурни дека воените злосторства извршени над недолжните палестински цивили нема да поминат неказнето“, рече Ердоган.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.