По падот на авионот: Украина и Русија се обвинуваат во ОН

По падот на рускиот воен транспортен авион во регионот на Белгород, Украина и Русија се обвинуваат во Советот за безбедност на ОН.

Рускиот заменик амбасадор во ОН, Дмитри Пољански, на седница на Советот за безбедност на ОН во Њујорк, изјави дека според досегашните информации станува збор за „намерно, промислено злосторство“.

Украинската заменичка амбасадорка во ОН, Кристина Хајовишин, пак, ги отфрла ваквите обвинувања и тврди дека Украина не била информирана за бројот и видот на транспортно средство за превезување на заробеници, кои, според руската страна, загинале при падот на авионот.