Земјотрес со интензитет од 5,2 степени ја потресе турската област Малатја

МАЛАТЈА (АА) – Земјотрес со интензитет од 5,2 степени го потресе местото Баталгази во турската област Малатја во 16:04 часот по локално време, пренесува Анадолу.

Според информациите објавени на веб-страницата на Агенцијата за управување со катастрофи и вонредни ситуации (АФАД), земјотресот се случил во местото Баталгази, на длабочина од 13,93 километри.

Во изјавата за дописникот на АА, гувернерот на Малатја, Ерсин Јазиџи, даде информации во врска со земјотресот.

Соопштувајќи дека досега до Командниот центар 112 не се добиени известување за уривања, гувернерот Јазиџи рече: „Засега не добивме негативно известување. Нашите тимови продолжуваат со контроли на теренот.“

– Настана панична атмосфера

Земјотресот се почувствува и во областите Газиантеп, Кахраманмараш, Шанлиурфа и Адијаман.

Во градот завладеа краткотрајна паника, луѓето ги напуштија своите работни места и домови, излегоа на улица и чекаа на безбедни места.

На некои згради се забележани пукнатини.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.