Фрлена последната лопата во својство на премиер. На последниот ден од својот мандат, Димитар Ковачевски одлучи да постави камен-темелник за објект на странски инвеститор. На прашањето на Алсат колку лопати фрлил додека бил на чело на Владата, Ковачевски рече дека имало многу странски инвестиции, иако големите компании се бројат на прсти.
Секоја инвестиција значи отворање нови работни места за граѓаните, рече вицепремиерот за економски прашања Фатмир Битиќи. Тој побара повеќе слободни зони.
Но, градоначалникот на Куманово, Максим Димитриевски имаше критики за Владата. Според него, од Илинденска одат само на свечени отворања, а во пракса Владата дала само 15 милиони денари за инфраструктура, иако ветиле над 100 милиони само за патишта.
Во индустриската област„Новине-Речица“ во близина на Куманово, со 60 хектари градежно земјиште и урбанизација од страна на општината, се очекува да инвестираат уште две странски компании. Оваа површина од 1 евро за квадрат на почетокот на наддавањето, достигна 30 евра. Но, далеку се ветувањата дека зоната ќе се наполни со фабрики и погони. Досега имаше само неколку инвестиции./Alsat.mk
Аднан Ќаили
Извор: alsat.mk
